 |
الرئيسية |  |
|
الأفتتاح بواسطة رعد السماء Published: September 13, 2006  Print  Email
هذا الموقع تم أغلاقه وتم الأنتقال إلى الموقع الجديد
إقرأ المزيد... عرض التعليقات (0) شرح الأمير سى بواسطة رعد السماء Published: July 15, 2006 Print Emailبسم الله الرحمن الرحيم الأخ سحاب كان يتسأل ما هو برنامج الأمير سى والراجل ياعينى مش عارف يعنى أيه البتاع ده يلاقيه ديماً كده فى المواقع الأجنبيه الـ وهو مش فاهم حاجه خالص سحاب عدى على أخوكم رعد وسأله ايه البرنامج ده سحـاب: بما أنك يا أخ رعد حبيبى وأحنا صحاب من زمان وبنا عشرة وعيش وملح استأذنك فى سؤال رعــد: خير يا أبو السحب باشا أنا تحت أمرك أنت تأمر يا سيد الكل سحـاب: الله يخليك يا راجل يا ذوق انا كنت عايز بس أعرف يعنى أيه برنامج الـ أمير سى ده ؟ رعــد: الله عليك وعلى أسـألتك يا سحاب ايه الحلاوة ده عدت بتبحث ودور على الأنترنت وبتعتر على حاجات حلوة أهو ماشى يا سحاب باشا أنا راح أقولك أيه البرنامج ده بس عايزك تركز معايه انا هقولك كل إللى أعرفه على قد خبراتى فيه وأن شاء الله راح أشرحه تفصيل مفصلا مفصصاً أنشاء الله تمام. سحــاب: تمام التمـام يا ثندر باشا يا حبيب الكل أنت رعــد: الله يخليك نسم الله كده ونبتدى وفتح كده مخك معايه يله بسم الله الرحمن الرحيم برنامج الأمير سى ده يأبو السحب مبدأياً أنا هقولك بالبلدى بعد كده أدخل فيه بالتفصيل على قد أقد خبرتى الشخصية وهى محدوده يعنى على قدنا بقى يا سحاب باشا سحــاب: ما تقولش كده يا راجل ربنا يخليك ليه وما يحرمنى منك أبدً يا منورنى ومفهمنى أن معاك أدخل بقى المهم رعــد: أوكى هو يا سيدى عبارة عن برنامج شات وتحميل يعنى أيه يعنى البرنامج ده بيبقى فيه غرف الغرف ده غرف شات بتلاقى فيها بنى أدمين كتير بيدردشوا فيها مع بعض وطبعاً معظمهم أجانب لأن البرنامج ده مش مشهور قوى عند العرب ( غير بقى إلى بيحبوا الأنمى أكيد عرفينه كويس قوى وأنا منهم) تمام وكمان يا سيدى ممكن تنزل دون لوود للحاجات إلى موجوده فى الغرفه أى حاجه موجوده. سحــاب: يا سلام يعنى أنا هلاقى الحاجات ده أزاى وهنزلها أزاى والغرف ده موجوده فين بالظبط ؟ رعــد: يا عم بقى مش تتعبنى معاك أصبر أن الله مع الصابرين أنا هفهمك كل حاجه بس أنت ركز معايه والله يا سيدى لمفهمك كل إللى أنا أعرفه بالضبط عن الأمير سى بس ما تقرفنيش علشان أنا خلقى ضيق ماشى الكلام سحــاب: ماشى يا رعد باشا كلامك أوامر (أن كان ليك عند الـ.... حاجه قولوا يا سيدى ) رعــد: أحنا قولنا بقى يا ابو السحب ان الأمير سى شات وتحميل وفيه غرف وبتنزل منها ده شرح مبسط لفكرته نبتدى بقى نمسكه حته حته مع بعضينا الأول نعرف عباره عن ايه الأمير سى ده . صلى بقى على النبى الحبيب سحــاب: وعليه أفضل الصلاة والسلام عليك يا نبى رعــد: البرنامج ده مبنى يا سيدى على أساس بروتوكول أسمه سحــاب: أيه ده يا عم بروتوكول أيه وبتاع أيه انا مالى بالحاجلت ده هات المفيد يا حج رعــد: يا عم أنا غلطان أنى عايز أفهمك كل حاجه أنا عرفها ما تخفش ما تخفش مش هغوط كتير أصلى بحب أشرح بذمه شويه يعنى سحـاب : ماشى يا عم رعـد رعــد: هتقولى بقى أنك مش عارف يعنى أيه بروتوكول هقولك ده مش موضوعنا النهارده بس أنا هقولك أنه يعنى تقدر تقول كده بالبلدى أنه هممم أجبها أزاى أه ..بص أنت لما بتلاقى صفحه النت بتلاقى قبل كل عنوان صفحه أنترنت لازم تلاقى Http صح ده بقى يا سيدى بروتوكول إللى بيخليك تتصفح المواقع أنت بقى بتستخدم المتصفح إللى بيشتغل مع البروتوكول ده زى الأكسبلورر والفير فوكس والأوبيرا وألخ ألخ وطبعاً بروتوكول الأمير سى عايزله برنامج يتفاهم معاه وتشتغل بيه وياه إلى هو برنامج الأمير سى MIRCإللى انا هشرحه ليك النهارده بأذن الله سحـاب: ماشى يا عم رعد فهمت شويه مع أنى مفهمتش البروتوكولات والحاجات ده بس يعنى فهمت شوى رعــد: تمام نكمل بقى احنا كل ده لسه بنقول يا هادى ولسه بردك أحنا قلنا أن البرنامج الجميل ده عبارة عن شات وتحميل التحميل بيكون منين بيكون يا سيدى من الناس إلى فى الرووم (الغرفة يعنى أحسن أنا عارف يا سحاب أنت حلو أوى فى الأنجليزى ) هتقولى بقى يعنى كل إلى فى الرووم ممكن أحمل وأنزل حاجات من عندهم هقولك لا طبعاً أزاى يعنى ده على كده يبقى البلد كلها هيصه اكيد لأ لازم يكون الشخص ده عامل حاجه اسمها (FSERVER) يعنى بالبلدى كده مشير حاجات من عنده على البرنامج بس بطريقه معينه تمام يعنى أنت الحاجات إللى بتنزلها من شخص زيك مش من موقع وفيه حاجه تانيه أسمها البوت تقدر تحمل منه بسرعات هيله معايه سحــاب: عينيه ليك وودانى مطرطئة ليك بس أسأل سؤال هى الغرف ده موجوده فين ومين إللى عاملها؟ رعــد: ماشى يا سيدى هقولك بقى أن الغرف ده موجوده على سيرفر يعنى ايه جهاز سيرفر على النت بس جهاز الجهاز ده مش زى أجهزتنا بيبقى هو السيرفر بيبقى عليه الغرف غرف بقى كتيييييييييييييير انت بقى يا سيدى بتتصل بالسيرفر ده عن طريق برنامجنا الجميل إللى أحنا بنشرحه وبعد ما بتتصل بيه بتدخل على الغرفة إلى أنت عايزها. ما قولناش الغرفة ده غرفه مين طبعاً غرفتنا أو أى غرفه تانيه خخخخخ سحــاب: أه فهمت أكمل أشجينى يا أخى رعــد: طبعاً بقى أنت لما بتدخل على السيرفر المفروض أنك بتكون مسجل فيه لأنك بتدخل بأسم أنت بتختارة علشان هو يعتبربرنامج شات وله أنت نسيت وطبعاً الأسم ده بيكون له باسوررد علشان محدش يخده بس أحنا مش هنقول الكلام ده دلوقتى سحــاب: آه فهمت تمام رعــد: (شكلك كده والله ما فهمت حاجه بس ممكن يكون أخوانا فهموا وإلا أكون أنا أستاذ فاضل فى المستقبل ) همم بيتهيئلى كده أنا أحنا قولنا الفكرة على قد ما قدرت ها يا سحاب ندخل بقى فى شرح وطريقه عمل برنامج الأمير سى سحــاب: أدخل يا باشا بكل ثقلك وانا معاك وسداد وهفهمك بأذن الله رعــد: يسمع من بقك ربنا وتفهم يارب نقول بقى أنت طبعاً هتنزل البرنامج لو مش كان عندك هتقولى فين البرنامج هقولك أنك هتلاقى اللنك فى آخر الموضوع بأذن الله (ده لو أنت كملت معايه للآخر الموضوع) انت بقى هتستب البرنامج تستيب عادى OK NEXT على طول على طول مش توجع دماغك بعد ما يتستب بقى هتلاقى أيقونه جميله عليه وش سمح زى وشك يا أبو السحب وش أصفر بيضحك هو ده أيقونه البرنامج راح بقى أنت تدوس عليها راح قادر يا كريم البرنامج يفتح معاك اول مرة يفتح فيها هيبعتلك رساله جميله يقولك أنا البرنامج هيعد معاك 30 يوم بس وبعد كده باباى طبعاً هو عايز منك تشترى البرنامج فكرنا ورثين ومعانا فلوس يعنى بس على مين أحنا طبعاً أنت ممكن تبحث عن الكراك وتحمله ويبقى عندك كامل أو تشترية أنت حر علشان أحنا ما نرتكب وزرك رعــد: انت أول ما هتظهر ليك الرساله هتدوس على زر Continue يعنى أكمل هيروح ظاهر ليك أيه الصورة الحلوة ده  رعــد: أحنا بقى هنشرح فى اأوبشن الحاجات إللى نتعلم عليها بدواير الباقى ملكش دعوه بيه تمام يا ريس نيجى بقى ناخد أول حاجه إللى هيه الكونكت الصورة الجايه هى هتوضح الكلام ده بقى الأوبشن بتاع الأمير سى فى خاصيه الـ CONNECT الأتصال هنشرح واحده واحد فيه  رقم واحد 1 : هنا بتكتب أسمك بالأنجليزى طبعاً رقم أثنين 2 : هنا بتكتب أيميلك مش يعنى يا سحاب أنك تكتب أيميلك الحقيقى أو أسمك الحقيقى أكتب إلى أنت عايزة رقم ثلاثه 3 : أسمك السمتعار هنا بقى بتكتب الأسم المستعار بتاعك إلى هتدخل بيه على الرروم يا أبو السحب رقم أربعه 4 : ده بقى أسمك المستعار رقم 2 أسم مستعار تانى ليك علشان لو معرفتش تدخل بالأولانى تدخل بالتانى إللى هو ده يا سحاب باشا رقم خمسة 5 : هنا بقى لو أنت عايز تدخل أنفيزبل مخفى يعنى مش عايز حد يشوفك وانت داخل بتعلم صح على المربع ده رقم ســته 6 : هنا بقى بتسبها زى ما هيى بس نفهمك بردك الخانه ده مثلاُ يعنى أنت عايز تتصل بأكتر من سيرفر أنت مش عايز سيرفر واحد بس أنت عايز تفتح أثنين مع بعض أنت بتكون فاتح واخد وبرتوح على الأوبش وتفتح سيرفر جديد ولازم تعلم صح على المربع ده علشان تفتح السيرفر فى نافذه جديده غير نافذة السيرفر المفتوحه رقم سبعه 7 : هنا بقى تدوس على الزرار تتصل بالسيرفر رقم ثمانيه 8 : إلى شبه الشمس ده بيدخلك على الأوبشن التانى إلى هو فيه بتختار السيرفر إللى أنت عايز تتصل بيه طبعاً أحنا هندوس عليه علشان ننتقل إللى الخطوة الثانيه معايه يا عم سحاب شكلك كده نمت والله سحــاب: نعم,,, معاك معاك يا رعد باشا بس أنت شرحك زى العسل وأنا بركز فيه علشان أنا فهمى على أدى لمؤخده رعــد: ما تخفش أنت هتفهم كل حاجه بس خليك معايه خطوة خطوة بالضبط ماشى الكلام سحــاب : ماشى كلامك ( والله الواحد طول ما هو عايش بيقعد يتعلم وفى الآخر بيموت جاهل ) رعــد: خالى بالك بقى من الصورة اللى جايه أهى  رعــد: ده بقى فيها بتختار السيرفر إللى أنت عايز تتصل بيه رقم واحد 1 : ده بتسبها زى ما هى فل كده رقم أثنين 2 : هنا بتختار السيرفر إللى أنت عايز تتصل بيه وطبعاً أنت هتتصل إلى مكتوب تحت إلى موجود عليه القناة بتاعتا هتدور بقى أنت فى اللسته الكبيرة عن Rizon:Random server هتلاقية موجود فى اللسته دور أنت بس على حرف الـ R وهتلاقيه هناك تمام كده يا سحاب سحــاب: طب أفرض أنا عايز أتصل بسيرفر بس مش موجود فى اللسته أعمل أيه ؟! رعــد: تمام تعجبنى أسئلتك أقول بقى ما تقطعنيش يا ذكى خلينى أكمل وأنت تعرف رقم ثلاثه 3 : إللى هو زرار ADD أضافه عن طريقه بتضيف السيرفر إللى أنت عايز و هشرحها ليك فى الصورة الثالثه بعد ما نكمل كلامنا بس رقم أربعه 4 : ده هى هى نفسها رقم سته إلى فى الصورة ألأولى تمام رقم خمسه 5 : تدوس عليه تتصل بالسيرفر رعــد: نيجى بقى لشرح رقم 3 فى الصورة إللى فاتت أزاى تيف سيرفر مش موجود فى اللسته البيانات على الصورة  رعــد: تمام يا عم سحاب سحــاب: تمام التمـام يا رعد باشا ها وبعدين كمل رعـد: بص يا سيدى من هنا أحنا هنبتدى نشرح لمعاليك أزاى تعرف تتعامل مع الأمير سى وتعرف تحمل من القناة بتاعتنا عليه وكل حاجه ركز بقى معايه يا حج اوكى سحـاب: ماشى يا كنج انا معاك أهو رعـد: أهم حاجه قبل ما نبتدى لازم وضرورى للغاية نضبط ما هو آتى ده علشان تعرف تحمل الحلقات الخاصة بنا من القناة ركز قوى قوى لأن الخطوة ده ضرورى للغاية وهامة جداً سحـاب: أوكى رعـد: نفرض دلوقتى أنك أنت مش شايف الخواص بتاعت الأوبشن راح تجبها منين بص فى الصورة التالية وأنت تعرف  سحـاب: تمام رعـد: هيظهر ليك الأوبشن هتختار من القائمة إلى باليسار ها الخيار هتروح عليه وتضغط على علامة الموجب إلى بجوارة حتى يظهر ليك الخصائص تبعه ركز يا أخوى ها الحته مهمة للغايه تمام هتدوس على الموجب إلى بجوار DCC حتى تظهر لك خصائصة كما فى الصورة  بعد ما بتضغط على Ignore بتطهر لك ها الصورة  دلوقتى بقى نضبط الخصائص مثل هذة الصورة وتضبطها بالضبط راح تختار كلمة Disable وتشيل علامة الصح إلى بالمربع كما بالصورة ثم بتضغط Ok ضرورى ضرورى ضرورى الخطوة ده علشان تعرف تحمل من القناة ماشى الكلام سحـاب: ماشى الكلام يا عم رعود رعـد: ركز بقى معايه أحنا دلوقتى هنتصل بالسيرفر علشان ندخل على القناة هنروح على الأوبشن تانى ومن خاصية السيرفر إلى فوق إللى شرحناها هتختار سيرفر أسمه Rizon زى ما فى الصورة التاليه تمام بس ما تنسى تكون كاتب أسم ليك وتختار نك نيم ما يكون فيه حد واخده علشان راح تسجل بيه ماشى  تمام بعد كده هتدوس على زر Conect to server كما فى الصورة التالية  اول ما هدوس على الزر راح يظهر ليك كلام أنجليزى كثير وبعد كده هتظهر ليك ها الصورة لو كنت بتستعمل ويندوز أكس بى الجدار النارى راح يرسل لك رسالة ويقول لك فيها أن البرنامج ده بده يتصل بالنت هل تريد أن تسمح له أم لا طبعاً أنت راح تضغط على Unblock حتى يتسنى للبرنامج أن يتصل بالنت تمام بعد كده النافذة إلى على اليسار إلى ظهرت ده فيها القنوات إلى موجودة بالسيرفر وبيقولك هنا تكتب أسم القناة بتاعتنا إلى بتريد الدخول عليها راح تكتبها مثل ما فى الصورة #adc-arab واهم شىء تضع علامة الشباك (#) عن طريق الضغط على (Shift+3) راح يظهر تمام وبعد كده بتضغط على زر join  مبروك أنت الآن بالقناة الخاصة بنا  دلوقتى بقى عايز تعرف تحمل من القناة أزاى طبعاً لو قرأت ما فى القناة راح تعرف المهم انا راح أقولكم بردك علشان إلى ما يعرف يعرف من هنا الحلقات موجود على شىء اسمه بوت وهو عبارة عن نك نيم بالغرفة وهو اسمه [ADC]Luffy هذا هو أسم البوت إلى به الحلقات الخاصه بنا طب كيف أنت تحمل الحلقات منه كل ما عليك هو أن تكتب هذا الامر /msg [ADC]Luffy xdcc list عليك بكتابته بالضبط كما فى الصورة التالية وتضغط أنتر بعد كتابته تمام  ثم راح يظهر ليك كلام كما فى الصورة الكلام ده هتلاقى فيه اسماء الحلقات إلى بالبوت إلى تقدر تحملها كل حلقة وأمامها رقم بتشوف الحلقة إلى أنت بتريدها رقمها أيه وبتكتب الأمر ده علشان تحملها بس تغير حرف الأكس (X) إللى فى الآخر برقم الحلقة إلى أنت بتريدها /msg [ADC]Luffy xdcc send #x  يعنى أنت لو بتريد تحمل الحلقة 264 بتشوف رقمها راح تجده رقم واحد بتكتب الأمر بالطريقة ده /msg [ADC]Luffy xdcc send #1 وهكذا تمام وبتضغط أنتر راح تظهر ليك رساله بتحذرك وتقول لك أن انت راح تستلم الحلقة هل تريد الموافقة أم لا طبعاً أنت بتضغط على Ok  بعدها راح تظهر ليك هذة الصورة  وبعدها تظهر ها الصورة ومعناها ان التحميل شغال والف مبروك يا سيدى  تمام كده فلنفرض بقى أن مثلاً النت عندك فصل قفلت الجهاز وبدك تكمل التحميل فى وقت لاحق عادى مفيش مشكلة بتتبع نفس الخطوات إلى فوق بس أهم حاجه أنك تحدد نفس المكان إلى فيه الحلقة يعنى أنت لما جيت تنزل الحلقة حددت مكانها فى البداية صح لازم بقى تحدد نفس المكان وبعد كده تدوس accept عادى راح تظهر ليك رسالة كما فى الصورة التالية  هتضغط على resume تمام وبكده يستكمل التحميل معاك بيتهيئلى بقى أن كده أنتم تمام وتعرفوا تتعاملوا مع الأمير سى وتحمله منه ملحوظه إلى بده يتحدث باللغة العربية على الغرفة عليه فعل الآتى حتى تظهر الللغة العربية بالغرفة وإلا راح يشاهدها رموز أذهب إلى كلمة View فى tools bar وأضغط عليها وأختر كلمة font كما فى الصورة  وبعد كده أختار الخط Arial وبتختار تحت كلمة script بتختار Arabic وبعد كده Ok الحمد لله بكده بيتهيئلى أنا قلت ليكم كل حاجه تحتاجونها لو ما فمهتش حاول القؤائة من البداية بتركيز الآن راح تجدوا برنامج الأمير سى اما من موقع سعودى وهو من هنــــا أو من موقع التربو من هنــــا أو من موقع الأوكسى من هنــــا فى أمــان الله عرض التعليقات (4) |
All copyright reserved for ADC-Arab 2006 ARABANIME CopyRight 2005